• ტელ: +995579777733
Events Lux

Events Lux

ივენთ კომპანია
Events Lux

Events Lux

ივენთ კომპანია
Events Lux

Events Lux

ივენთ კომპანია
Events Lux

Events Lux

ივენთ კომპანია

2019 წლის 3 მაისს, კომპანია „ივენთს ლუქსმა“ ქართული კულტურის პოპულარიზაციისადმი მიძღვნილი პირველი საქველმოქმედო საღამო და გალავახშამი გამართა პარიზში, მდინარე სენაზე, გემზე „Le Diamant Bleu“.

ღონისძიების წარმდგენი გახლდათ ანანო გელოვანის ხელნაკეთი ქსოვილების სალონი – „Anano’s Handmade”.

საღამოზე მაქსიმალურად იყო წარმოჩენილი საქართველო, როგორც დიდი კულტურული მემკვიდრეობის მატარებელი ქვეყანა და ტურისტულად საინტერესო ლოკაცია. ღონისძიებას ესწრებოდნენ საფრანგეთში საქართველოს საელჩოს და დიასპორის თვალსაჩინო წარმომადგენლები, სტუმრები საფრანგეთიდან, იტალიიდან, ისლანდიიდან და სხვა ქვეყნებიდან, რომლებმაც საქართველოს შესახებ მნიშვნელოვანი ინფორმაცია მიიღეს.

ღონისძიების განსაკუთრებული სტუმარი ლეგენდარული ქართველი მომღერალი ნანი ბრეგვაძე იყო. მონაწილეობდნენ მომღერლები: ეკა მამალაძე, სტეფანე მღებრიშვილი, გერმანული ვოისის გამარჯვებული ნათია თოდუა, მიშა სულუხია, აჩიკო ბერიძე, პაატა ანდრიაძის ბენდი, ზურა მახნიაშვილი და მსახიობი დუტა სხირტლაძე.

კონცერტი მიმდინარეობდა ტურიზმის ეროვნული ადმინისტრაციის მიერ მოწოდებული საქართველოს გაცნობითი ხასიათის ფილმის ჩვენების ფონზე. ახალგაზრდა დიზაინერმა ანანო გელოვანმა ხელნაკეთი ქსოვილებით შექმნილი სამოსი წარმოადგინა, იუველირ-დიზაინერმა მარინა ნაცვლიშვილმა კი თავისი ექსკლუზიური სამკაულების ულამაზესი კოლექცია გამოფინა. კულტურული პროგრამის ერთ-ერთი შემადგენელი ნაწილი კი მსოფლიოში ცნობილი მხატვრის ჰენრი მაჭავარიანი ფოტოგამოფენა გახლდათ.

ღონისძიების ოფიციალური პარტნიორი იყო ფრანგული ბრენდი Gault et Millau – „მსოფლიო კულინარიული გიდი გო’ე’მიო“, კომპანია რომელიც მსოფლიოს 25-მდე ქვეყანაშია წარმოდგენილი და 2017 წლიდან საქართველოშიც. გო’ე’მიომ თავის სამშობლოში ქართული ვახშმით უმასპინძლა სტუმრებს. ტიტულოვანმა ქართველმა შეფმზარეულებმა გურამ ბაღდოშვილმა, ნიკოლოზ მეტრეველმა, ილია ბენაშვილმა, რესტორან ბიოლის შეფკონდიტერმა ხათო ბაკურაძემ და რესტორან შუხმანის შეფმზარეულმა ლაშა კენჭაძემ ექსკლუზიურად ამ ვახშმისათვის ქართულ გემოებზე შექმნილ კერძები წარმოადგინეს. სუფრას ამშენებდა პრემიუმკლასის ქართული ღვინო და ნუგბრი.

საღამო კომპანია „ივენთს ლუქსისა“ და საქველმოქმედო ფონდ „გზაჯვარედინის“ ორგანიზებით განხორციელდა. ფონდის მიზანია მზრუნველობამოკლებულ მოზარდებს დაეხმაროს მომავლის შექმნაში, სწავლასა და პროფესიის შეძენაში. ოჯახის სითბოს მოკლებულებს გაუიოლოს საზოგადოებაში ადაპტაცია, რათა თავი იგრძნონ ამ საზოგადოების სრულფასოვან წევრებად.

მსგავსი ღონისძიებები კიდევ უფრო შეუწყობს ხელს საქართველოსა და საფრანგეთს შორის კულტურული ურთიერთობის გაღრმავებას.

სტატიები და ვიდეოები

  1. 1TV
  2. Nostal.ge
  3. Marshalpress.ge
  4. Youtube

EventsLux-ის შესახებ


„ივენთ ლუქსი“ ქართულ-ფრანგული კომპანიაა, რომლის ძირითად საქმიანობას წარმოადგენს პრემიუმ კლასის ღონისძებების ორგანიზება თბილისსა და პარიზში.



Le Diamant Bleu


Le Diamant Bleu სპეციალურად ღონისძიებებისათვის შექმნილი გემია (70X10მ), რომელსაც აქვს 450კვ.მ სიდიდის თანამედროვე ოთახი, 2,5 მეტრიანი 34 ფანჯარა პანორამული ხედით. მდინარის “სიმდიდრე”, რომელიც მუშობაში 2014 წელს ჩაეშვა, ნებისმიერ ღონისძიებას თანამედროვეობასა და პრესტიჟს შემატებს. გემი შეესაბამება და აკმაყოფილებს, როგორც დახურული საღამოების (ქორწილი ან დაბადების დღე), ისე საქმიანი შეხვედრების (ბიზნეს სადილი, სემინარი, ან გალა საღამო) ჩასატარებლად აუცილებელ ყველა მოთხოვნას. თქვენ აუცილებლად ისიამოვნებთ მისი მოქნილი სივრცით, არაჩვეულებრივი აკუსტიკითა და ნახევრად გადახურული ტერასით.

 



პარტნიორები

ივენთის მისამართი

  • ივენთის ადგილი
    6 quai Jean Compagnon 94200 Ivry sur Seine, Paris, France
  • ტელეფონი:
    +33631144408
  • ელ-ფოსტა:
    info@eventslux.com

Directions

Get Directions

Enter Destination From under Get Directions and Click on Get Directions Button.

დაგვიკავშირდით